HINILA siya ni Linus palapit sa expensive luxury armored vehicle. Kulay itim iyon at napakagandang tingnan. Sa isang tingin pa lang ay mahahalata na agad kung gaano iyon kamahal.
Nilingon niya si Linus nang may pagtataka sa mukha. "Para saan iyan?"
Malapad itong ngumiti bago binuksan ang pintuan sa passenger's seat. "Sakay na."
Agad nitong kinuha ang kamay niya at inalalayan siyang makasakay. Hindi na siya nagreklamo at mas binilisan na lang ang kilos. Malaki ang ngiti sa mga labi niya nang tuluyang makaupo sa kumportableng upuan sa loob. Isa pa, mabuti na iyong makaalis sila agad. Mamaya, habulin pa sila ni Kaname at gumawa na naman ito ng eksena.
Pagkaupo ni Linus sa driver's seat, agad na rin nitong pinaandar ang sasakyan palayo. Nilingon niya ito at hinintay na sabihin nito kung sa
