Naningkit bigla ang mga mata niya. "At bakit? God, will you stop it, Linus? You're scaring me!"
Nagbuga ito ng hangin. Hindi nawawala ang ngiti sa mga labi. "Ayaw mo?"
Nang magkibit-balikat ito at akmang ibababa ang fork na hawak, bigla niya itong pinigilan. Masama pa rin ang tingin na tinanggap niya ang pagkaing sinusubo nito. Napangiti naman si Linus. Sa simpleng kilos niya, napapansin niya na laging sumasaya ang mukha nito. Ganito ba talaga siya kamahal ng lalaki?
Pinilit niyang hindi magpadala sa nararamdamang kilig. Sa halip na tingnan ang lalaki, nagsimula na siya sa pagkain. Si Linus ay patuloy pa rin sa pagtitig sa kaniya. Naaasiwa man sa bawat tingin nito, hindi siya nagpahalata at nagpatuloy lang sa pagsubo.
Sa tingin niya ay alas-siete na ng umaga, maganda ang panahon sa lab
