Umiwas siya ng tingin at pilit na tinatago ang mga matang pulang-pula na.
"Ciara, alam kong kulang na kulang pa ito para mawala ang sakit na dulot ng pagkakasala ko sa iyo, pero parusahan mo ako, sampalin, o saktan mo. Tatanggapin ko lahat, Ciara. Maibsan lang ang sakit at galit na nararamdaman mo, nakahanda akong gawin ang kahit na ano."
"Bakit!" Hindi niya napigilan ang magtaas ng boses.
Lumalim ang bawat paghinga niya. Muling nagbabadya ang mga luha sa pagbuhos.
"Wala na akong ibang ginawa kundi ipagtabuyan ka! Lagi kitang pinagsasalitaan nang masama. Ni minsan, hindi ko inisip ang nararamdaman mo. Kaya bakit? Bakit nagustuhan mo ang isang tulad ko?"
Humugot ito ng hangin. Hawak ang kamay niya ay tumayo ito at banayad na ngumiti. Hinawakan siya nito sa magkabilang pisngi at matama
