UNTI-UNTING nagmulat ng mga mata si Ciara nang maramdaman ang pag-vibrate ng selpon sa kaniyang ulohan. Ang bakanteng espasiyo sa tabi niya ang unang bumungad sa kaniya, kasama na ang puting t-shirt ng lalaki na iniwan nito. Nang maalala si Linus, maagap siyang bumangon at binaling ang paningin sa nakabukas na pintuan ng balkonahe.
Naroon at nakatayo ang asawa niya habang umiinom ng isang baso ng mango juice. As expected, nakahubad na naman ito ng pang-itaas at tanging boxer shorts ang suot. Nakaharap ito sa kaniya ngunit nakapikit ang mga mata nito habang iniinom ang malamig na juice.
Sa pangalawang pagkakataon ay naglandas na naman ang paningin niya mula sa guwapo nitong mukha, pababa sa namamawis nitong mga abs. Mariin siyang lumunok nang maramdaman na tila nanunuyo ang lalamunan niya
