Natigilan pa ito nang makita siyang nakatayo sa tabi ng hagdan at masama ang tinging nakapukol sa kanila. Hindi siya pinansin ng babae. Diretso itong bumaba ng hagdan. Nakasunod naman sa likuran nito ang dating nobyo.
Ibig niyang magmura sa halu-halong emosiyon na nararamdaman. Nagagalit siya sa lalaking sunod nang sunod sa asawa niya, at sa parehong oras, nasasaktan dahil sa ginagawa ni Ciara. Bakit ba napakadali lang dito ang saktan siya?
Buong araw ay wala nang ginawa ang lalaking nagngangalang Cedrick kundi sundan si Ciara kahit saan ito magtungo. Halos hindi na siya makapagtrabaho nang mabuti dahil lagi niyang sinusundan ng tingin ang mga ito. Nangangamba siyang baka kung ano ang gawin ng lalaki dito.
"Sir, dinalhan ko kayo ng juice."
Lumapit sa tabi nila ni Kaname si Luisita at
