MATAMAN na tinitigan ni Linus ang lalaking sekretarya matapos niyang ilapag sa ibabaw ng bilugang mesa ang hawak niyang baso na may lamang alak.
"Ano ang nalaman ninyo?"
Nagbuga ng hangin si Elton saka inilapag ang ilang litrato sa ibabaw ng mesa. "Walang kakaiba sa mga kilos nila."
Mula sa mukha ng lalaki, bumaba ang tingin niya sa mga larawan. Ilang lalaki ang makikitang nagmamasid hindi kalayuan mula sa mansiyon.
Kinuha niya ang isa at mariing tinitigan. "Sigurado ka?"
Tumikhim ang matanda. "Nagbabantay ang mga tauhan natin sa paligid. Ilang araw na nilang napapansin ang mga lalaking iyan. Pero wala naman silang kahina-hinalang ginagawa, kaya hinayaan ko na lang."
"Ilang araw na silang nagmamatyag? And you didn't tell me?"
Bumuntong-hininga si Elton. "Alam kong marami ka nang ini
