Buong oras ay hindi sila naghiwalay dalawa. Halos hindi na rin maghiwalay ang mga katawan nila. Lagi kasing nakaakbay sa kaniya si Linus. Minsan, halos yakapin na siya nito.
Napansin din niya na wala si Kaname sa paligid. Mas mabuti dahil paniguradong masisira lang ang mood niya oras na makita niya ito.
"Sir Gallardo! Señorita! Uminom po tayo! Subukan ninyo ito!" Lumapit sa kanila ang isang trabahador na may dalang dalawang baso ng tuba.
Nakangiting bumaling sa kaniya si Linus. Naramdaman niya ang paghaplos nito sa likod niya. "Hindi umiinom ang asawa ko niyan. Ako na lang ang iinom—"
"Hindi!" mabilis niyang putol sa sinasabi ng lalaki. "Iinom ako."
Masayang nagtawanan ang ilang babae at lalaki sa tabi nila nang marinig ang sinabi niya. Hindi sila iniiwan ng ibang manggagawa dahil tod
