Isang araw na ang lumipas simula nang dumating kami rito sa Milan, Italy sa mansion na bahay ng kanyang pinsan na si Vera. Well, kung tatanong niyo ako kung ano ang impression ko sa kanya, isa lang ang maisasagot ko… pareho kong maldita at mas malala pa.
Sa mga kilos at pananalita niya patungkol sa akin ay makikitaan ng malaking pagkadisgusto. Hindi ko alam pero parang palaging nakataas ang kilay niya sa akin. Hindi ata ako nito tanggap bilang asawa ng kanyang pinsan… pero wala na siyang magagawa sapagkat pareho na kaming nakatali sa isa’t isa.
At kagaya nga ng naasahan, ngayong gabing ito gaganapin ang engrandeng pagtitipon na sinabi sa akin ng aking asawa noong nasa New York pa kami… ang merging party ng kumpanya ng kanyang pinsan sa kakumpetensiya nito. Ito’y isang napakalaking
