Wala na akong ginawang iba kundi ang tumunganga at tumulala na lamang sa kawalan pagkatapos naming manggaling sa La Tividad. Nakatayo lang ako sa paanan ng mga indoor plants na nakalambitin dito sa aming hotel room.
Napakalalim ng iniisip ko ngunit hindi ko rin batid kung anu-ano ang mga ito. Gulong-gulo ang aking isipan na halos wala na akong matinong maalala sa pinatutunguhan nito. Tanging mga mabibigat ko lamang na hininga ang naririnig ko kasabay ang alakuskos ng malamig na hanging nanggagaling sa bukas na bintana sa aking harapan.
Hindi ko batid kung ano ang dapat kung gawin. Pareho kong mahal ang buhay ko noon at realidad ko ngayon na wala akong balak pakawalan ang kahit ano sa kanila. Gusto ko pa ring balikan ang buhay ni Dalarie Cohlshana ngunit gusto ko ring ipag
