LIMANG araw na ang nakalipas simula noong huling makita niya si Ira sa building ng condo unit nito. Ito rin ang huling beses na nag-usap sila. Pakiramdam niya ay may mali talaga sa kanilang dalawa. Alam niyang dala lang ito ng mga problema ng dalaga, pero hindi niya mapigilang masaktan. Lalo na noong pinamukha sa kaniya na parang hindi siya tinuring nitong kaibigan.
"Sino ba kasi 'yong Ira na 'yan?" tanong ni Carolline habang nakatingin ng diretso kay Allen. Niyaya niya kasi ang kaibigan na lumabas dahil ilang araw niya nang pinipilit ang sarili na magtrabaho. Gusto niya naman ang magpahinga at iliwaliw ang sarili.
"Huwag mo nang alamin," diretsong sabi ni Allen. Tinukod naman ni Carolline ang magkabilang siko niya sa ibabaw ng lamesa at nagpasalong baba. Tinitigan niyang mabuti ang kaib
