NANG makalapag ang kanilang eroplano sa Cebu City ay para bang nabunutan ng tinik si Allen at ang iba pa niyang kasama. Kahit papaano ay naging kampante sila dahil malayo na sila sa lugar kung saan may nanggugulo sa kanila.
"Ira," pagtawag ni Allen sa dalaga habang pababa sila ng eroplano. "Do you want to buy clothes for your parents?"
Mabilis naman ang pag-iling ng dalaga dahil nakaramdam na ito ng hiya sa binata. Kasalanan niya naman noong nakaraan ang nangyari dahil nakalimutan niya ito kahit iyon pa man ang sadya niya talaga.
"Are you sure about that? I insist anyway. Hindi naman kasi puwedeng umuwi tayo ng walan pasalubong sa mga magulang mo."
Napatawa ng mahina si Ira at hinampas ng mahina ang kanang braso ng binata dahil sa nag-aakalang nagbibiro ito, pero kilala niya si Allen.
