MALAKAS na tawanan ang namutawi sa loob ng bahay at pinapangunahan ito ng mag-asawang Velasquez. Tuwang-tuwa sila nang makita ang batang dala-dala nina Ira papunta rito. Sino ba naman ang hindi magiging masaya? Matagal na silang hindi nakahahanap ng saya simula noong mawala ang panganay na anak.
Sa kabilang banda kahit na nakangiti si Ira ay hindi niya mapigilang mapaisip lalo na kapag dumadaan sa utak niya kung paano kapag tinanong siya ng magulang sa totoong relasyon nito sa binata? Ano na lang ang sasabihin niya? Patuloy pa rin ba siyang maglilihim hanggang dulo tungkol sa nangyayari sa buhay niya?
"Ipaghahanda ko muna kayo ng makakain," singit ng tatay ni Ira. Tumango naman ang ilan habang patuloy pa rin na nakikipagkulitan kay Riley. Sinusubukan kasi nila itong palakarin at dahil ma
