GUSTONG tumayo ni Ira at yakapin ang kaniyang mga magulang, pero nanghihina pa ang kaniyang katawan. Kung para sa tatay nito ay tinanggap ang kasinungaling binuo niya. Sa nanay niya naman ay wala siyang narinig na kahit isang salita. Hindi niya alam kung anong tumatakbo sa isip ng kaniyang nanay habang diretsong nakatingin sa asawa nito na buhat si Riley.
Sinundan ni Ira ng tingin ang kaniyang nanay nang tumayo ito at maglakad papunta sa may kusina. Tinanggal niya ang pagkakahawak ni Allen sa kamay niya kaya naman napalingon ang binata sa kaniya.
"Where are you going?" tanong nito. Nginuso naman ni Ira ang kusina kung saan pumunta ang kaniya nanay. Balak niya kasi itong sundan.
"Iinom lang ako ng tubig," sagot niya. Para bang nauubusan siya ng laway sa tuwing magsasalita. Siguro ay dal
