NAGUGULUHAN si Ira kung bakit may ganoon siya sa kuwarto. Wala pa naman iyon noong umuwi siya rito noong namatay ang Ate Rissalyn niya. Pinagtataka niya ay kung bakit nilagay ito roon at kung ano ang laman no'n. Imposible naman kasing inilagay nila 'yon para lang sa design.
Kapansin-pansin pa lang nang matapos buksan ni Ira ay may mga button sa loob at para bang may passcode. Para bang naging pinto ang picture frame na nakalagay rito. Kung ano ang laman nito ay wala siyang idea. Hindi niya rin naman kasi alam kung paano pa 'to i-open.
Isasarado niya na sana nang makarinig siya ng mga yapak sa kaniyang likod. Pagkalingon niya ay nakita niya ang kaniyang tatay na diretsong nakatingin sa kaniya habang nakatayo sa may tapat ng kaniyang pintuan. Seryoso ang mukha nito at wala na ang saya kat
