SINALUBONG ni Ira si Allen na may ngiti sa labi pagkababa niya ng hagdan. Hindi niya naabutan ang kaniyang nanay roon kaya naman hindi niya rin mapigilang malungkot. Samantalang sina Manang Norma at Isabela naman ay inaayos na ang kanilang dala dahil doon sila matutulog sa kuwarto ng ate niya.
"How was it?" bungad na tanong ni Allen nang makalapit ang dalaga sa kaniya. Tinignan naman ni Ira ang bata na nakahiga sa couch habang hinaharangan ito ng binata.
"Bakit mo diyan pinatulog si Riley? Umakyat na sana kayo para makapagpahinga," paliwanag ni Ira habang tinutukoy ang bata. Hindi kasi ganoon kalaki ang couch na meron sila. Kung mayroon man ay nagkakasya lang talaga sa ilang tao para upuan.
"Thanks, but it's fine. Ang inaalala ko lang ngayon ay ikaw." Natigilan si Ira sa narinig at na
