SA HALIP na umiyak at magmukmok si Ira sa nalaman ay ngumiti ito sa harap ng dalawa. Dahan-dahan niyang itinaas ang kaniyang mga kamay at pumalakpak. Natatawa at napapailing pa ito nang matapos dahil alam niyang darating talaga siya sa puntong magkikita-kita na ang mga ito.
"Congratulations to the both of you," nakangiting sabi ni Ira. Nagulat pa ang dalawa sa reaksyon ni Ira. Kung may pinagpapasalamat si Ira sa mga nalaman niya sa trabaho ay iyon ang magpanggap na okay siya kahit hindi... na kaya niyang umarte na parang wala lang ito sa kaniya.
"Ira," nag-aalalang tawag sa kaniya ni Allen. Gusto na lamang mawala kaagad ng dalaga sa kaniyang kinatatayuan dahil sa hiya na nararamdaman. Mukhang alam niya na ang dahilan kung bakit mas saglit lang ang oras ni Allen sa kanila. Alam niya na k
