INILIBOT ni Ira ang tingin sa buong bahay nang makarating sila sa Maynila. Tumulong silang dalawang ni Isabela kay Allen para buhatin ang mga gamit papunta sa loob. Samantalang si Manang Norma naman ang nagbuhat kay Riley.
"Manang Norma, okay lang ba na magtabi muna kayo ni Isabela sa isang kuwarto?" tanong ni Allen sa matanda. Ibinaling ni Manang Norma ang tingin niya sa dalaga na abala sa pagtingin ng mga nakikita nito sa paligid.
"Oo naman, Sir Allen. Walang problema roon. Malaki naman 'yong ipinagawa niyong kuwarto sa akin kaya naman magkakasya pa kaming dalawa roon," paliwanag ng matanda.
"Thank you, Manang Norma," sagot ni Allen. Kinuha naman ni Ira si Riley sa matanda para makakilos na rin ito sa pag-aayos ng kanilang gamit. Samantalang si Allen na ang nag-asikaso ng gamit nilan
