PAGKARATING ni Ira sa kaniyang condo ay agad niyang tinawagan ang kaniyang kaibigan at nagbabakasali na masamahan siya nito, pero dahil masyadong busy si Jhoyce ay mas pinili niya na lang ang mapag-isa.
Inilibot niya ang tingin sa buong silid ng kaniyang kuwarto. Napakatahimik at walang gumagawa ng ingay. Kung dati ay sanay siyang mag-isa. Ngayon naman ay parang may kulang na hindi niya mapaliwanag. Siguro ay dahil nakasanayan niya na rin na may nag-iingay.
Pinakiramdaman niya ang kaniyang sarili. Kumukulo na ang kaniyang tiyan dahil sa gutom. Simula kanina ay hindi siya kumain. Hindi rin siya sumama noong niyaya siya ni Mr. Rosales na kumain sa labas kasama ang ibang mga staff at models para sa isang successful na ramp show. Mas pinili niya kasi ang umuwi at makasama ang pamilya na tinu
