NAPAIWAS ng tingin si Ira nang biglang lumingon sa kaniya si Allen. Alam niyang kahit hindi siya nakatingin dito ay nakikita niya sa kaniyang pheriphical vision na nakatingin sa kaniya ang binata. Ilang segundo rin ang tinagal ng tingin no'n bago niya narinig ang pagsarado ng pinto.
Napahugot ng hininga si Ira dahil akala niya ay mahuhuli ito. Napatingin siya sa kanilang hinintuan na parking lot. Naririnig niya na kaagad ang ingay sa labas ng sasakyan, hindi rin nakawala sa pandinig niya ang paghampas ng alon ng dagat.
Sinundan niya naman ng tingin si Allen sa may labas ng sasakyan. Nakatingin ito ng diretso sa may dagat. Walang nagawa si Ira kung hindi ang lumabas at sumama kay Allen. Napahawak si Ira sa kaniyang mga braso nang maramdaman ang lamig na tumatama sa kaniyang balat.
"How
