PAGKABALIK ni Allen sa kuwarto matapos umuwi ni Aiselle ay naabutan niyang gising pa si Ira. Akala niya ay wala nang balak makipag-usap ang dalaga sa kaniya, pero mukhang hinihintay talaga siya nito matapos ng nangyari sa baba. Nakaupo si Ira sa may mahabang upuan sa tapat ng bintana. Hindi niya nilingon ang binata, pero ramdam niyang papalapit na sa kaniya si Allen.
"Love," pagtawag ni Allen sa dalaga. Nilingon naman siya ni Ira at sumenyas na tumahimik dahil natutulog ng mahimbing si Riley at baka magising ito dahil sa malalim na boses ng lalaki.
"Anong nangyari sa baba?" tanong ni Ira sa mahinang boses. "Nakauwi na ba 'yong secretary mo?"
Napaiwas si Allen ng tingin dahil ramdam niya ang pagkadismaya ng dalaga. Gusto niyang lapitan ito, pero para bang may malaking nakaharang sa pagit
