NANGINGINIG ang mga kamay ni Ira habang nagmamaneho. Iniisip niya kung ano ang puwede niyang sabihing dahilan para makalusot kay Allen. Pinapanalangin niya na lang na sana tulog na ito o hindi ito nakauwi galing sa pinuntahan kanina.
Bago siya umalis sa bahay nina Liam ay pinatay niya ang kaniyang cellphone. Mas makadadagdag kasi sa kaba niya sa tuwing tumitingin siya ng oras sa screen nito. Bukod pa roon ay ayaw niyang makita ang mukha ni Allen na nasa screen habang tumatawag sa kaniya.
Napaisip tuloy si Ira kung bakit sumama pa siya kay Liam. Maaari namang pumunta siya sa malapit na mall at hindi na sa ganitong kalayong lugar. Bukod pa roon ay kung ano ang sasabihin niya sa binata kapag nalaman nitong hindi siya nakabili ng mga regalo para sa mga magulang niya? Iyon pa naman talaga ang
