NANATILING tahimik si Ira habang nagmamasid sa tatlo na nakapuwesto sa sala habang siya ay nasa kusina at nakatanaw sa kanila. Kanina niya pa pinagmamasdan ang mga ito simula noong magpunta si Aiselle rito para bisitahin ang anak.
Simula noong sabihin ni Aiselle 'yong gusto nito kahapon ay nag-usap silang dalawa kung anong mangyayari. Parehas silang nagkasundo ni Allen na payagan si Aiselle na bisitahin ang anak at para maka-bonding. Umaasa sila na hindi magawa ng babae 'yong iniisip nito. Alam nilang maraming mangyayari kapag nagpatuloy ang ganoong plano ng dalaga.
"Sa tagal na nakasama ko kayong dalawa ni Sir Allen ay alam ko na kaagad ang tumatakbo sa isip niyo," pagsisimula ni Manang Norma. Napatingin naman saglit si Ira sa kaniya at agad ding binalik ang tingin kina Allen. Lumapit
