NAHINTO ang tingin ni Allen nang marinig niya ang tawa ng batang binabantayan niya. Kahit na busy ito sa pagtimpla ng kape ay natigilan ito sa paggawa at nakatutok lamang dito.Simula pa kanina mainit ang ulo niya dahil hindi natuloy ang pag-uusap ng magkapatid at siya.
Biglaan kasi ang pagtawag ni Francis sa kaniya sa VL Company. Hindi naman siya puwedeng hindi pumunta kasi baka magtaka ang lalaki sa kaniya at may isipin itong mali. Nag-hire pa siya ng magbabantay sa bata para lang makaalis siya.
Akala niya emergency ang pagpunta niya roon pero nainis lang siya dahil hindi naman pala mahalaga ang pagpunta niya. Nagbayad pa siya ng pera at nasayang pa ang oras niya.
Ngayon ay nakatingin siya sa bata na patuloy ang pagtawa habang nilalaro nito 'yong laruan na binili nina Allen at Ira s
