PAIKOT-IKOT si Allen sa paglalakad habang nag-iisip ng susunod na gagawin. Kanina pa siya hindi mapakali sa kinauupuan. Nakatingin lang siya sa batang nasa harap niya simula pa kanina. Hindi niya mapigilang sambunutan ang sarili dahil naghalo-halo na ang lahat sa kaniyang isip.
Hindi puwedeng malaman ng Mommy niya ang tungkol sa bata. Mapapagalitan siya kapag nalaman na nagka-anak ito nang hindi pa kasal. Alam niyang malaking gulo ang pinasok niya at hindi niya alam kung paano ito labasan. Kung may pinto pa ba palabas dahil nahihirapan na siya.
Napatingin siya nang marinig ang pagtawag sa kaniyang phone. Hinanap niya naman ito at kinuha. Hindi niya mapigilang magmura nang makita ang caller niya. Anong sasabihin niya? Anong idadahilan niya?
Nanginginig ang kaniyang daliri nang sagutin n
