NATIGILAN si Ira nang marinig ang relasyon ni Allen sa bata. Hindi niya alam kung ano ang ire-react kaya nanatili siyang tahimik hanggang sa makarating sila sa supermarket. Bitbit pa rin ni Ira ang bata nang makapasok sa loob kaya si Allen na lang ang kumuha ng maliit na cart para sa bibilhin nila.
Tinungo nila ang milk at nang makarating doon ay hinarap niya si Allen na tulak ang cart na kinuha nito kanina sa may entrance ng supermarket.
"Anong iniinom na gatas ng pinsan mo, Allen?" tanong ni Ira at hindi na naman nakasagot si Allen.
Sa isip nito ay bakit napakaraming tanong ng dalaga kasama niya ngayon? Patuloy pa rin tuloy ang pagsisinungaling niya. Idagdag pa na kailangan niyang pag-isipan ang sasabihin nang hindi siya paghinalaan ng dalaga.
Nilibot ni Allen ang tingin sa mga iba'
