HINDI makapagsalita ang binata nang marinig 'yon. Kahit na ilang beses na nagpaulit-ulit ang sinabi ni Ira sa utak ay pakiramdam niya ay hindi pa rin ito nagsi-sink in sa kaniya.
"A-Anong sabi mo?" nauutal pang tanong ng binata at kahit na kinakabahan sa posibleng marinig ay handa pa rin siyang malaman kung totoo ba 'yong mga sinabi ng dalaga sa kaniya.
Napalabi naman ang dalaga dahil mukhang kailangan niya pang ulitin ang sasabihin niya. Kung nagbibingi-bingihan man si Allen nang marinig ang sinabi niya kanina ay wala na siyang pakialam. Gusto niya nang matapos ito at itataya niya na lahat ng lakas ng loob niya. Kung hindi man siya i-accept ni Allen ay at least mapaghahandaan niya ang lahat. Mas maaga siyang makaka-move on kung sakali man.
Napatayo si Ira. Kahit na sobrang lakas ng
