MABILIS silang nakarating sa bahay nina Jhoyce. Mas malapit pa nga ito kaysa sa condo na tinutuluyan ng dalaga kaya paniguradong ay mapapadalas ang pagkikita ng dalawang magkaibigan. Sinalubong naman sila ni Jhoyce sa labas pa lang nang marinig ang paghinto ng sasakyang ginamit nila.
Buhat ni Ira si Riley pagkababa ng sasakyan kaya naman lumapit si Ira doon at kinuha ang bata mula sa kaibigan at siya na ang nagbuhat. Samantalang kinuha naman ni Allen ang mga gamit ni Riley sa loob ng sasakyan. Nang makuha ay inabot niya rin ito kay Ira.
"Tawagan mo na lang ako kapag magpapasundo na kayo," sambit ni Allen at tumango naman ang dalaga. Tinignan naman ni Allen ang anak bago siya nagpaalam kay Jhoyce. "Enjoy lang muna kayong dalawa. Alam kong nabitin din 'yong time niyo noong pumunta si Jhoy
