MABILIS na inayos ni Jhoyce ang kaniyang sarili at pilit na ngumiti nang pumasok nang tuluyan ang mag-ama sa kuwarto kung nasaan sila ngayon. Napatayo naman si Ira mula sa couch at tumabi sa kaniyang kaibigan na nakatayo.
"Naistorbo ko ba kayo?" bungad na tanong ni Allen. Umiling naman si Jhoyce bilang sagot. Nang magtagpo ang mga mata nina Ira at Allen ay para bang nangungusap ang mga ito.
Lumapit naman ng dahan-dahang si Jhoyce sa batang hawak ng binata. Hindi pa rin siya makapaniwala na nakatali ang buhay ng kaibigan niya rito sa mag-ama. Kung ano man ang reason ng kaniyang kaibigan ay para bang naiintindihan niya na. Hindi ganoon kadali ang buhay at kailangan talaga nating tanggapin na minsan ang kalahati ng katawan natin ay nasa hukay na.
"Anong name niya?" tanong ni Jhoyce habang
