ANIKA
Magkasama kaming bumaba ni Leo para kumain ng almusal. Nadatnan naming nakaupo sa sofa ang kaniyang Lolo Sabby at nagpapamasahe ng kaniyang mga paa sa isa sa mga kasambahay nila.
Mabagal lang ang bawat hakbang ko dahil ayaw ko nang gumamit ng wheelchair dahil gusto kong masanay na naglalakad ako para na rin lumakas ang kalamnan ko.
Ito kasi ang advice sa akin ng therapist at doktor ko, kaya sinabi ko kay Leo na huwag niya akong buhatin dahil gusto kong maglakad.
“Anong oras na? Ngayon lang kayo gumising!” malakas na sabi sa amin ni Mr. Mondego nang makalapit kami sa kaniya.
“Good morning, Lolo,” bati ni Leo sa kaniya.
Binati ko rin si Mr. Mondego, pero hindi siya sumagot.
Pinasadahan pa niya ng tingin ang aking kabuuan na para bang may hinahanap siya. Nakaramdam tuloy ako n
