ANIKA
“Leo,” nanginginig na tawag ko sa kaniya.
Hinawakan ko siya ng mahigpit sa braso dahil napakasakit talaga ng aking ulo. Para bang mabibiyak ito, pero hindi ko alam kung paano mawawala ang sakit dahil nahihilo rin ako.
“Baby, tatawag ako ng doktor.”
Hindi ako nakasagot dahil halos mapugto ang aking paghinga. Napasigaw rin ako dulot ng labis na sakit, kaya hindi ko na nagawang magsalita pa.
“Leo, ang sakit ng ulo ko!” malakas kong hiyaw.
Napakalakas ng sigaw ko habang namimilit sa sakit. Napahiyaw ako na para bang gamit ang lahat ng lakas ko, kaya hingal ako.
“Tito Alex, it's Leo. It's urgent po, please call Anika’s doctor and tell him to come to our hotel room immediately,” narinig kong pakiusap ni Leo sa aking ama.
Matapos ito, mabilis akong niyakap ng asawa ko. Ramdam ko an
