ANIKA
Nag-uusap kaming dalawa ni Daddy nang lumapit sa amin si Leo. Hindi ako nagsalita at tahimik na nakikinig sa sinasabi ng aking ama dahil alam ko sa aking sarili na tama naman ang sinabi niya.
Dahil hindi ako nagsasalita, kaya ang asawa ko naman ang kinausap ng aking ama nang umupo si Leo sa tabi ko at ginagap ang kamay ko.
“Leo, alagaan mong mabuti ang asawa mo. Ayaw kong dumating ang araw na iiyak siya dahil sinaktan mo siya.”
Bahagyang sumulyap at ngumiti muna sa akin ang asawa ko bago sumagot. “Makakaasa po kayo na aalagaan at mamahalin ko ang asawa ko, Tito.”
“Mabuti kung ganun,” sabi ng aking ama. “Simula ngayon, Daddy na rin ang itawag mo sa akin dahil kasal na rin naman kayong dalawa nitong anak ko.”
“I will, Dad,” nakangiting sagot agad ni Leo.
Naramdaman ko ang marah
