ANIKA
Simula nang sabunutan ko si Ate Adirah, hindi na siya muling umulit sa pang-aaway niya sa akin dahil hanggang ngayon, may bakas pa ng kuko ko sa kaniyang leeg at natanggal rin ang nadakot kong extension ng kaniyang nasirang buhok.
Pareho kaming napagalitan ni Mommy dahil para kaming batang nag-away, pero kumampi sa akin si Daddy.
Isang linggo na rin ang nakaraan simula nang mangyari iyon, pero hanggang ngayon, hindi ko pa rin siya kinikibo. Sinabi ko rin na ayaw ko siyang maging maid of honor sa kasal ko kasi sa tingin ko, may binabalak siyang masama at hindi ko puwedeng pagkatiwalaan si Ate Adirah.
“Baby, okay ka lang ba?”
Napatingin ako kay Leo nang pisilin niya ang aking kamay.
“Bakit?” kunot ang noo na tanong ko sa kaniya.
“May problema ba?” tanong niya sa akin.
Mahina
