ANIKA
Galit na galit ang aking ama nang nalaman niyang lumapit sa amin si Harold, pero pinigilan siya ni Mommy nang utusan niya ang kaniyang tauhan na iligpit na lang ang ex-husband ko.
Hindi ko alam kung seryoso ba ang aking ama sa sinabi niya, pero nag-aalala ako na baka gawin nga niya iyon at ituloy ang kaniyang sinabi dahil galit na galit siya kay Harold.
Ayaw kong madungisan ng dugo ang mga kamay ng aking ama dahil sa akin. Mas lalo tuloy akong nakaramdam ng sundot ng aking konsensya dahil naging magulo ang buhay namin dahil sa pagkakamaling ginawa ko.
Dahil sa nangyari sa restaurant, hindi na ako lumalabas ng bahay maliban na lamang kung pupunta ako sa ospital, pero napakahigpit ng seguridad ko araw-araw kapag nasa labas ako.
Marami akong kasamang bodyguard at hindi puwedeng l
