ANIKA
Nanigas ang aking katawan habang humahakbang palapit sa amin dito sa sofa ang Lolo Sabby ni Leo.
Mabagal ang bawat hakbang niya, kasabay ng malakas na tunog na likha ng ingay ng kaniyang tungkod sa sahig at ang mabilis na pintig ng aking puso.
“Leo, palapit sa atin ang Lolo mo,” kinakabahan na sabi ko sa kaniya.
“Don't mind him,” narinig kong sabi ni Leo.
Nanatiling nakabaon ang mukha niya sa leeg ko at hindi man lang siya nag-angat ng ulo kahit sinabi ko sa kaniya na palapit sa amin ang kaniyang lolo.
“Pero—”
“I told you, pupunta talaga siya dito para tingnan kung magkasama tayo dito sa guest room,” pabulong niyang sabi sa akin.
“Ang aga-aga pa, nanglalandian kayo dito!”
Napalunok ako nang marinig ko ang sinabi ni Mr. Mondego nang makalapit siya sa amin. Tiningnan pa niya a
