ANIKA
Kumakain kami nang marinig ko ang pagparada ng sasakyan sa garahe. Napatingin ako kay Leo, pero hindi ako nagtanong sa kaniya kung may hinihintay ba siyang bisita dahil nakikitira lamang ako dito sa bahay niya.
Hindi nagtagal, pumasok dito sa dining room ang kaniyang kasambahay at sinabing dumating raw ang Lolo Sabby ni Leo.
“Sir, nasa sala po si Senior Sebastian,” sabi ng babaeng nakasuot ng uniporme.
Marahang tumango si Leo at pagkatapos, sumulyap siya sa akin.
“Okay, I'm coming.”
Hindi ako kumibo at piniling ipagpatuloy ang pagkain ko. Kinakabahan ako ngayong malaman kong nandito ang masungit na lolo ni Leo dahil hindi ko siya kayang harapin ngayon.
“I'll see him,” paalam ni Leo sa akin. “Finish your meal.”
“Okay.”
Muling ngumiti sa akin si Leo at pagkatapos, tumayo na si
