ANIKA
“Nakita mo na!” malakas na sabi ni Mr. Mondego sa kaniyang apo. “Maldita ang babaeng iyan! Hindi ka naman bingi at bulag para hindi mo makita at marinig na sinasagot-sagot niya ako!”
Namumula sa galit ang lolo ni Leo habang pinagagalitan niya ang kaniyang apo. Ilang ulit pa niyang hinampas ang baston sa sahig, pero hindi na ako natakot sa kaniya dahil nag-init na talaga ang aking ulo matapos niyang pagsalitaan ng hindi maganda ang aking ama.
Naging childish tuloy ako sa kaniya nang makita ko siyang tiningnan ako ng masama, kaya tumaas ang aking kilay at pagkatapos, inirapan ko siya.
“Tingnan mo, masama talaga ang ugali ng anak na ‘yan ni Alexander, Leo!” galit na turo ni Mr. Mondego sa akin.
Mainit talaga ang ulo niya sa akin kaya hindi na ako sumagot. Ang talim ng tingin niya
