ANIKA
Isang malalim na buntonghininga ang aking pinakawalan para paluwagin ang aking paghinga. Marami tuloy ang katanungan sa isipan ko na bigla kong naisip dahil napagtanto ko na mali ang mga naging desisyon ko sa buhay.
Pumikit ako at hinilot ang aking sentido dahil nakaramdam ako ng labis na kirot. Ilang ulit na rin akong napabuga ng hangin, pero hindi mawala ang matinding sakit ng aking ulo.
“Martha!” pasigaw kong tawag sa aking kasambahay.
Nakakaramdam ako ng matinding sakit ng ulo at panlalabo ng aking paningin. Nahihilo rin ako at nasusuka, kaya nahihirapan akong huminga.
Lumabas ng silid ko si Martha para kumuha ng tubig, kaya naiwan akong mag-isa dito sa loob ng guest room.
“Leo!”
Napasigaw ako ng malakas dahil hindi ko makayanan ang labis na sakit na aking nararamdaman. N
