ANIKA
Tahimik akong nakaupo sa passenger seat habang mabilis na tumatakbo ang kotseng minamaneho ni Leo papunta sa bahay ng mga magulang ko. Kinakabahan ako at malakas ang kabog ng aking dibdib dahil ito ang unang pagkakataon na uuwi ako doon matapos kong makipaghiwalay kay Harold.
Nakasuot ako ng t-shirt at jacket kahit mataas pa ang sikat ng araw dahil ayaw kong makita ni Daddy at ng kapatid ko ang mga marka ng labi ni Leo sa leeg ko.
Siguradong tutuksuhin nila ako, o kaya naman ay pagagalitan ni Daddy si Leo dahil nagkalat ang mga kiss mark niya sa aking leeg. Hindi na sila inosente sa bagay na ito, kaya alam nila kung bakit may mga marka ang leeg ko pababa sa dibdib ko. Kaya minabuti kong itago na lamang ito.
“Baby, kinakabahan ka pa ba?”
Mula sa kalsada, nabaling ang tingin ko
