"PERO okay lang iyon. Kung hindi siya nakipaghiwalay sa akin baka hindi ako ganito kasaya ngayon," ani Jake matapos ang pagkukwento niya.
Tumango doon si Monica at pagkatapos ay hindi na nagsalita pa. Sa halip ay inihilig na lamang niya ang kanyang ulo sa balikat ng kanyang mister. Nasa ganoong ayos siya nang hilahin siya ng malalim na pagtulog patungo sa dako pa roon.
*****
HINDI pamilyar ang mga mukhang bumati kay Jake nang makauwi sila ni Monica. Maliban kay Mang Kanor na dati na niyang nakikita nakakausap ng mga magulang niya sa video call. Sa pagkakatanda kasi niya ay ito ang caretaker ng kanilang bahay.
"Mabuti naman at okay ka, Jake," isang magandang babae ang nagsalita at nagsabi niyon na ipinakilala sa kanya ni Monica bilang si Myla na best friend nito.
"Thank you," aniya nil
