"Kuya naman eh. Puwede bang maupo ka muna? Aba'y ako ang nahihilo sa iyo eh." Nakangiwing reklamo ni Jürgen sa bayaw.
Nagkataon naman kasing nasa Korea siya para sa meeting ng MULLER COMPANY. Actually, nasa board meeting siya nang pumasok ang sekretaryo ng bayaw kaya't alam niyang manganganak na ang kapatid. Kaso imbes na makinig ito sa kaniya ay panay ang tingin sa labor room.
"Susme, Kuya. Kako ay baka maaring maupo ka muna kaso mas nagparoo't parito ka pa. Huwag kang mag-alala dahil kasing tigas ng ulo mo ang iyong asawa. She'll be safe with your children," aniyang muli.
SA tinuran ng bayaw niya ay napangiti si Jang. Kung sa ibang pagkakataon nga lamang iyon ay baka harutan na naman sila. Subalit dahil nasa pagamutan ay napangiti lamang siya.
"It's been two years since we received a
