Masaya akong sumama kay Hydee dahil nasasabik na rin akong tingnan ang gusto niyang ipakita sa akin.
Pero kabaliktaran naman iyon sa nararamdaman ni Kiran.
Hindi maipinta ang kaniyang mukha dahil pinili kong sumama sa aking pinsan.
Kung magtampo ito, parang aalis ako sa napakalayong lugar.
Kanina pa nga kami magkasamang dalawa, 'yon nga lang ay wala kaming ginagawa kundi ang mag-ensayo.
"Elyse, halika! Bilisan mo at may ipapakita ako sa 'yo. Tingnan mo, ang ganda ng mga bulaklak dito," masiglang tawag sa akin ni Hydee dahil nauna na ito sa akin.
Kanina pa siya hindi makapaghintay na ipakita sa akin ang nakita niyang mga bulaklak.
Iyon naman pala ay dahil ito ang bulaklak na nakita namin sa bundok Malaya.
Hanggang ngayon ay hindi ko pa rin makakalimutan ang araw na iyon.
A
