Pagkatapos nang pagpupulong ng lahat ng mga ranggo ay dinala kaming dalawa ni Kiran sa isang malawak na silid.
Pansamantala muna kaming magiging malaya sa pagiging bihag.
At para masigurong hindi kami makakatakas sa mundo nila napagkasunduan ng lahat na walang sino man ang makakapasok at walang sino rin ang makakalabas sa loob ng demon realm.
Sa loob ng anim na araw ay pansamantala nilang isasara ang portal na siyang dinadaanan patungo sa kabilang mundo.
At tanging si Lucifer lamang ang makakabukas ng secret portal na iyon.
Nasa kamay niya ang susi dahil alam nitong kayang gawan ng paraan ni Kiran na nakawin ang susi kung sa iba niya ito ipagkatiwala.
Gustong makasiguro ng ama ni Kiran na hindi kami gagawa ng anumang hakbang na makakasira sa kasunduan.
Ayaw lang nitong makagaw
