Nang tumalikod si Shawn sa akin ay narinig ko ang pagbagsak ni Kiran sa sahig.
Dali-dali akong lumapit sa kinaroroonan niya at hindi ko alam kung ano ang uunahin ko.
Hindi ko alam kung hahawakan ko ba siya sa kaniyang katawan o hahayaan na lang.
Natatakot ako na baka masaktan ko siya dahil puro sugat ang buong katawan niya.
Huli na para magalit ako kay Shawn dahil sa ginawa niya kay Kiran.
Hindi ko maliligtas si Kiran sa pamamagitan ng galit kung iyon ang mangingibabaw.
"Kiran," nanginginig ang boses ko habang tinatawag siya.
Nakatingin siya sa aking mga mata at pilit akong tinititigan ng mabuti.
Ngunit dahil sa pamamaga ng kaniyang mga mata ay hindi na niya magawang idilat ang kaniyang mga talukap.
Pinahiga ko siya sa aking kandungan at maingat na hinaplos ang kaniyang mu
