Hindi ko naitarak agad sa dibdib ni Azelio ang kutsilyo dahil mabilis din nitong nahawakan ang kamay ko. Kaya ang nangyari ay nagtagisan na kaming dalawa; pinipilit kong ibaon ang kutsilyo gamit ang dalawa kong kamay, pero pilit naman niyang pinipigilan gamit lang ang kaniyang isang kamay.
Ginamit ko na ang buong lakas ko, katunayan ay pinagpawisan na ako. Ngunit hindi nagtagal ay napahiga na lang ako. Pero hindi ko pa rin binitiwan ang kutsilyo at nakipagtagisan pa rin. Kailangan kong maibaon sa kaniyang dibdib at nang sa gano’n ay mapatay ko na siya nang tuluyan.
“You can't kill me, ako na mismo ang nagsasabi niyan sa ’yo,” ngisi sa akin ni Azelio at ginamit na ang isa pang kamay.
Lahat ng pag-asa at lakas ko ay naglaho na parang bula nang nahulog na lang bigla sa kamay ko ang kutsily
