Pagbaba ko ng kama ay agad akong sumilip sa ilalim sa pag-asang may baril pang nakatago si Azelio roon. Pero wala naman akong makita, at ganoon din ang mga drawer nang buksan ko ang mga ito para maghanap.
Tuloy pa rin ang putukan sa labas, mukhang mga kalaban yata ni Azelio, nilulusob na siya.
At dahil wala naman akong mahanap na baril ay mabilis ko na lang binuksan ang pinto at lumabas na. Pero saktong paglabas ko ay siyang pagsalubong ko sa isang tao na papasok sana pero agad na napahinto dahil sa paglabas ko at nagkagulatan pa kaming dalawa.
“D-Drew,” gulat kong usal.
“Let’s get out of here.” Hinila na nito ang braso ko habang hawak pa sa isang kamay ang isang pistol.
Nagpahila na lang ako kahit masakit ang braso ko sa kaniyang paghawak, ininda ko na lang ang sakit. Patakbo kaming
