"Beryl, may package ka!"
Nakangiti akong lumapit kay Ate guard, kahit na badtrip ako kay Aireen. Hindi pa ako naniwala nang una na para sa akin nga iyong dalawang may kalakihang box.
Kanino naman kaya galing 'tong mga 'to? May isang paper bag pa ng mga chocolate at isang bouquet ng mamahaling bulaklak.
"Dito na lang muna 'to, Ate."
Mag-taxi na lang ako mamaya pauwi. Itong mga chocolates na binibigay sa akin ng kung sino mang admirer, iuuwi ko na lang din. Ayaw ko ng mag-share sa mga office mates ko na unprofessional naman.
Kumuha ako ng isang mamahaling bar ng chocolate mula sa paper bag at binigay kay Ate.
"Yown! Hindi pa ako nakatikim ng ganitong chocolate. Salamat, Beryl!"
"Wecome po, Ate. Iyong lunch ko, Ate, wala pa?"
"Wala pa naman," sagot naman nito.
Baka mamaya pa?
