Nag-unat ako ng katawan dahil nakaramdam ako ng pangangalay. Two hours din kasi akong nakatutok sa monitor. Walang pahi-pahinga dahil madami akong kailangang tapusin na work.
Sakto ding coffee break na kaya tumayo na ako para makapagbanyo. Paglabas ko ng office, tinawag ako ni Ate guard na naka-post malapit sa may elevator.
"Beryl Tuazon!" Ang lakas pa ng boses niya kaya nagulat ako. Akala ko tuloy may nagawa akong kasalanan.
"Bakit po, Ate?" nagtatakang tanong ko habang palapit sa kaniya.
Inangat naman niya ang paper bag na mayroong naka-print na pangalan ng Thai restaurant na kinakainan namin ni Mr. Hottie. Pagkakita ko rito, alam ko na agad.
Nagpadala siya ng mango sticky rice?
Nagmamadali naman akong lumapit sa kaniya sa tuwa. Pansamantala kong nakalimutan na ihing-ihi pala
