May libreng lunch ulit para sa mga office mates ko. Puring-puri tuloy siya ng mga ito.
"Beryl, pakisabi sa boyfriend mo, thank you!"
Masyadong pabibo ang lalakeng iyon. Ngumiti ako at tumango. Break time na kaya aakyat na din ako sa taas dahil doon ako mag-l-lunch.
Nagulat ako nang bumukas ang elevator at siya ang bumungad sa akin. Hindi na makapaghintay sa kaniyang opisina at inabangan na talaga niya ako dito sa elevator.
"Hi," nakangiting bati ko. Agad naman siyang yumakap at humalik.
"Hintayin mo man lang na nasa loob tayo ng office mo," sabi ko, dahil may mga taga-ibang department pala dito. Kausap sila ng kaniyang sekretarya.
"Iba pa ang kiss sa loob ng room. Kiss lang naman iyon. Walang masama kahit makita pa nila."
Talagang gagawin niya ang gusto niya at wala na akong
