MAGDADALAWANG LINGGO na buhat ng umalis si Tristan. Miss na miss na niya ito. Natawag ito sa anak pero nahihiya naman siyang sabihin sa anak na gusto niya itong makausap kapag nata-tiyambahang nasa bahay siya kapag kausap nito.
Natatawa siya kay Lilay dahil kahit papaano ay nawawala ang pagka-miss sa kakalugan nito. Maingay lagi ang bahay nila at sana lang hindi magreklamo ang kapitbahay nila sa maghapon nitong pagkanta. Pati ang anak niya ay napapagaya na rin dito.
"Ma'am, dali sali ka rito." Anito habang tinutono ang kanta ng Aegis.
"Sa'yo na muna. Taas niyan eh.." turan dito.
"Walang mataas ma'am, bilis na.." pangungulit nito.
Natatawa siya dahil game na game ito. Habang ang anak ay naghahanap ng kakantahin nito. Sabado iyon kaya wala siyang pasok. Bukas pa ang dating ni Tristan
