MATAPOS MAIBSAN ANG pananabik sa isa't isa ay agad na nakatulog si Tristan. Habang si Carissa naman ay nakatingin lang sa guwapo nitong mukha. Napapangiti dahil mukhang pagod na pagod ito. Hinalikan ang nakatikom nitong bibig saka maingat na tinanggal ang pagkakayakap nito sa kaniya upang makaalis sa kama.
Nang makababa ay agad na tinungo ang banyo saka inayos ang sarili para makalabas na. Bago lumabas ay muling tinapunan ito ng tingin.
"Oh, tulog ba?" Tanong ng mama nito paglabas niya.
"Opo tita, pagod yata.." naiilang na tugon dito.
"Ganyan ang batang iyan. Sanay sa malayuang biyahe pero laging tulog." Anito na napatawa.
Napangiti na rin siya. Matapos magkantahan ang mga ito ay lamon na man. Dalawang box ng large pizza ang dala ng mama ni Tristan. Masaya itong kasama at tila madali
